开箱ZANCOtinyT1手机比你想像中的还要小
【开箱】ZANCOtinyT1手机，比你想像中的还要小
ZANCO tiny T1 手机 这款手机主打微型！话自己话可能系世界上最最细慨电话，听落都觉得好想试下。当年石先生用过叫做全世界最薄慨电话系 Sony Ericsson，当时慨手机追求细、追求薄。当今日各大智能手机都追求大得来又好揸手慨时候，估唔到会有厂商推出极细慨手机，真系估你唔到。
细到底有几细呢？点都要放得落张 nanoSIM Card 卦！放得落张 nanoSIM Card 又唔可能太细只啦！因为你都要放其他线路版，仲要放得落喇叭、键盘等，点都有个谱。
点知… 开箱一睇真系细到有啲过分…
ZANCO tiny T1 手机个手机盒平平无奇，而石先生呢部因为系借用版，所以个盒咩都贴住哂，但唔好理呢个唔系重点，重点系下面部机。当你以为个盒好细，已经系部机慨全尺寸慨时候，打开发觉部手机仲细，真系细到痴线，连个盒慨二分一都无，大概系盒慨六分一尺寸，真系好跨张。
跨张得来最过分系你竟然仲见到部手机有个屏幕，而屏幕下面仲有五粒制，五粒制下面仲有 12 粒传统数字拨号键盘设计，真系手指大啲都大只过部手机。
用口讲真系好难讲部手机有几细，所以直接拿个 micrUSB 转 lightning 插头来比较，只系大个插头少少，只有46.7mm x 21m x 12mm。
规格上佢系用 MTK6261D，行 2G GSM850, GSM900, DCS1800 及 PCS1900，有 32MB RAM + 32MB ROM，得一个 1 吋唔够，得 0.49 吋慨 64 x 32 分辨率 OLED 屏幕及 200mAh 电池。
一部咁细慨机有咩用呢？佢慨尺寸直头细到可以挂系钥匙包而毫不突兀，或者行山出外、跑步时挂系裤头或者袋内都唔会硬亲。当然，你唔好以为呢部电话可以帮你上 FB，影相或者做啲咩超劲野。
佢最大慨卖点就系细细部有 3 日待机，180 分钟通话时间。就算行错路想打电话问朋友都唔驶惊电话无电，绝对系一个远行者必备慨电话。依家咁多人钟意背住个背包去旅行，整番部傍身保平安就啱啦！
